Би хүн болсоор л ...

Нас нэмэх тоолонд ухаан минь нэмэгддэг ямар гаслантай хорвоо вэ... 

ABBA - Happy New Year  Яг одоо энэ дууг сонсоод л өнгөрөн одож буй 2012 оныг хэрхэн өнгөрөөсөн талаараа бодон тунгаан сууна. Шинэ жил болгоноор яагаад ч юм өнгөрсөн лүүгээ нэг хардаг зуршилтай болоод мэлээд хэдэн жилийг өнгөрч. Ой ухаанаас гардаггүй олон шинэ жил надтай хамт миний амьдралын хэсэг болон дурсамжийн хайрцаганд минь үлдэждээ..

Ай хуучин он минь чи надад харамгүй хишигээ хайрласан байна шүү...

Хийж бүтээх урам зориг дүүрэн эхэлсэн энэ жил надад мэлээн туршлага үлдээлээ. Найзтайгаа хамт хийхээр зорьсон "Career Choice" баримтат кино маань тодорхой шалтгаануудын улмаас амжилтанд хүрээгүй ч үүнийг хийхээр тэмүүлэн явсан 6 сард амьдралдаа үзээгүйгээрээ их олон компаний үүд тогшиж, их олон ТАТГАЛЗАЖ байна гэдэг хариу сонссон ч эргээд бодоход дурсамж дүүрэн л шинэ жил болж байна.

Анх удаагаа гэр бүлийнхэнтэйгээ хамт хөвсгөлийн сайран дунд 7 хоног төөрч бас л сонирхолтой туршлага амьдралыг үдлээ. Хэхэ сонин шүү хүн тэгээд л үхэхээ тулбал тэгээд л юу л бол юу л хийдэг юм байна лээ шүү амьдрахын тулд. 

Энэ жил миний бас нэг өөртөө хөрөнгө оруулалт хийсэн зүйл бол би Кендо хэмээх сэлмийн урлагаар хичээллэх шийдвэр гарган 6 сарын дараа хичээллэж эхэлсэн минь миний хувьд их том дэвшил гарчээ..

Амьдрал минь хөврөн одож, цаг хугацаа хэмээх зүйлийн дунд хүсэл мөрөөдлөө тээн алхсаар л байнадаа.

Ирэх онд юу болох бол гэж бодохоос сэтгэл минь догдлоод байх юм.Ямартай ч амьдралд минь сайхан зүйл үргэлжид л тохиож, шинэ хүмүүстэй нөхөрлөж амьдралын хамгийн сайхан амт болох хүмүүсийн харьцаан дунд инээмсэглэн алхсаар л байна.

Хэхэ. Энэ жил ФБ-дээ бичсэн статус маань нэг иймэрхүү байх юм.. Би энэ жил бороонд норохыг их хүсжээ.. Гэхдээ бүүр тийм дурсамжтай нороогүй боловч норсон норсон хэхэ :p

Хүн өөрийгөө чөлөөлж амьдралын баяр баясгалан, энэрэнгүй сэтгэл, аз жаргалд шунан амьдрана гэдэг сайхан сайхан. Өөрийгөө олох аялалд явсаар л .. Олчихсон ч юм уу бүү мэд хэхэ :P

Залуу настай минь хамт үлдэж байгаа жил болгондоо би хайртай.

Ирэх жил юу ч болж ямар ч зүйл тохиолдлоо гэсэн өөрөөрөө л байхыг хүсэж байна.

Учрал бүхэн өөрийн гэсэн шалтгаантай

Улирал бүхэн өөрийн өнгө аястай

Би ганц л зүйлд хамгаас илүү дуртай тэр бол хүний ИНЭЭМСЭГЛЭЛ :D  

Ирэх он минь хүсэж бодож явдаг зүйлийн маань үргэлжлэл байж илүү их зүйлийг хийхийг хүснэ.

Хүсэл бүхэн биелэж хүн бүхэн инээмсэглээсэй. Дэлхийд ганцхан тэр зүйлд л би хайртай..

Шинэ он шинэ хүмүүс шинэ бүхэн минь сайн байна уу? За урагшаа дахиад нэг алхлааа :D

Түүдэг галын дэргэд

Гал минь гал минь дүрэлзэн ас

Гал халуун насны минь цог болон гэрэлт

Тэнгэр өд цогоо түгээ

Тэнгэрийн элч мэт түүний хацранд инээмсэглэл тодруул

 

Харах бүрийд сэтгэл минь догдолж

Зүрх минь дэнслэнэ

Уянгын хоолой гаргахгүй ч

Учралын аяыг чамд би тоглож өгнө

 

Одод түгсэн шөнө сарны гэрлээр чи намайг гэрэлтүүлнэ

Орчлонгийн хязгаар мэт чи тэнд зогсоно

Олон олон зун

Олон олон ододтой хамт чамтай байхсан 

 

Сэтгэлийн дарсанд хундага өргөөн ууя

Сэрүүхэн шөнө уйлагнан найгах тэр шар навч

Аз жаргалыг хайн тэнгэр өөд салхинд хөөгдөн салхилна

Бүрхэг тэнгэр, гэрэлт наран өөд тэмүүлнэ

Салхинаас айн зөвхөн дээш л тэмүүлэхийг хүснэ

Гэтэл салхи гэнэт гарч ирэн 

Зүг чиггүй авч одно

Хөөрхий тэр навч бусад навчсын дунд орон

Өөрийн жолоогүй мэт туугдан хийснэ

Дээш тэнгэрийг харан 

Хэзээ ч очиж чадахгүй болсон мэт сэтгэгдэлд автан салхинд туугдана

Салхи хаашаа тэр навч хийснэ

Хэзээ зогсох, хэзээ чөлөөлөгдөхөө тэр навч эс мэдэн 

Гуниглалд автан, салхины урсгал дунд бусдын адил хийснэ

Салхи хэзээ зогсож дахин дээшээ харах бол

Хүний эрхийн өдөрт

Зиа өнөөдөр буюу 12 сарын 10 энэ өдрийн дэлхий нийтэд Олон улсын хүний эрхийн өдөр гэдэг юм байна.

Энэ өдөрт зориулаад хэдэн асуудал хөндөх гэсийн. Жендерийн талаар хэдэн асуудал гаргаж тавья.

1. Ерөнхий боловсролын сургуульд 9-р ангиа төгсөнгүүт л 10 -р ангид эрчүүд нь хасагдаад эмэгтэйчүүд нь илүү зонхилдог. (Энэ нь эсэргээрээ нийгэмд ямар хор нөлөө үзүүлж байна гэхээр дээд боловсрол эзэмшихийн тулд заавал бүрэн дунд гэрчилгээтэй байж эзэмшинэ тэгэхээр энэ тохиолдолд залуучууд маань дээд боловсролд ингээд л эзэмших тал дээр асуудал тулгарч байна. Нийгэмд энэ мэтээр эмэгтэйчүүд нийгэмд илүү өндөр боловсролтой болсоор байна)

2. Эрэгтэй хүний бие сэтгэхүй, физиологийн хөгжил эмэгтэйчүүдээс сүүлд явагдаж байдаг. Энэ утгаараа 10-р ангидаа ороод сурлага нь дээшлэх хандлага байдаг энэ тал дээр ямар ч боломж олгодоггүй. Үүний улмаас 10 ангид нь жендерийн харьцаа зөрчигддөг.

3. Сургуулийн багш нарын ихэнх нь эмэгтэй хүмүүс байдаг үнэндээ эрэгтэй хүний заах арга барил нь өөр өөр байдаг. Ингээд л багш нарын тал дээр жендер зөрчигдөж байна.

4. Ихэнх шүүхийн байгууллагын шүүгчид эмэгтэй хүмүүс байдаг тийм учраас ихэнх тохиолдолд хүүхэдтэй хүн байлаа гэж бодоход эмэгтэйчүүдийн талд шийддэг.

5. Үнэндээ боловсрол өндөр эмэгтэйчүүд гэр бүл дотроо боловсрол дорой эрчүүд(нөхөр, ах, дүү) нараа дорд үздэг.

Нэгэнт ийм асуудлууд гарч ирсэн учраас үүнээс дүгнээд хэлэх юм бол цаашид эмэгтэйчүүдийн гэр бүлийн доторх эрх мэдлийн төвшин нь өндөр болж байна. Нийгэмд нэгэнт ийм байдал үүссэн учраас эрчүүдийг нийгэмд илүү өөрчлөх(өөртөө итгэх итгэлийг нэмэгдүүлэх, боловсрол, гэх мэт) хэрэгтэй. Нэг зүйл анхааруулж хэлэхэд эрэгтэй хүн эмэгтэй хүнийг бодвол аливаа зүйлд дасан зохицох чадвар бага, удаан байдаг учраас илүү хүлээцтэйгээр удаан болгоомжтой энэ тал дээр хандах хэрэгтэй

Хамгийн сүүлд нь нэг зүйл хэлэхэд эрэгтэй хүнд чи эрэгтэй байж уйлж болохгүй гэдэг үгийг битгий хэлж байгаарай. Адилхан хүн шүүдээ. Эр хүн бас нулимс гаргах эрхтэй.. :D

Untitled

Чамайг дагах миний мөрүүд сэтгэлд үлдэнэ

Тэнгэрийн заадас мэт энэ олон тэмдэгтүүд

Чиний өмнө сөхрөн уйлан хайлан урсах

Уянгын чимээг чи лав сонсохгүй

 

Сэтгэлийн галд шатагдаж

Сэрүүн шөнөөр ч дүрэлцэнэ

 

Хаалттай дотор минь юу болж байгааг

Харах нүд чинь ойлгож эс чадна

Авсан доторх хоригдол мэт алс хэтийн бодол ч эс төрнө

Гаслантай энэ хорвоод дааж давахааргүй зүйл бол чамайг бодох миний бодол

Гуниглана гуниглана гуниглана

Тарчлана тарчлана тарчлана

Ай энэ дотор минь юу болж байнаа....

I was here

Өдөр бүр хүмүүсийн амьдрал өөрөөр өрнөдөг гэхдээ та мэдэхгүй байгаа ч гэсэн тодорхой нэгэн өөрчлөлтүүд заавал болж л байна. Өнөөдөр цас ороод зарим хүмүүст нь гуниг, зарим хүмүүсийн дотор нь сэтгэл нь гэгэлзэж л байгаа байх.

[[posterous-content:pid___0]]

8 сарын дундуур санаандгүйгээр Beyonce-н "I Was Here" гэдэг дууг сонсоод амьдралд маань бас л нэгэн өөр мэдрэмжийг төрүүлж билээ. 

"Урсан өнгөрөх цаг хугацаанд ямар нэгэн зүйлийг би үлдэхийг хүсэж байна" гэж эхэлдэг энэ дуу эхнээсээ эхлээд л толгойд маань гэрэл асах шиг мэдрэмж өгсөн.

Бид өнгөрөн одох цаг хугацаанд хэн нэгийг үзэн ядаж, хайрлаж, гуниглаж, талархаж л байсан. Энэ бүхэндээ тодорхой нэгэн орон зайг үлдээгээд л явсан.

Өөрийг чинь дэлхийг өөрчлөх ямар нэгэн зүйл хий гэж хэлэхгүй

Афганистанд очиж байлд, Энхийг сахиулагч бол, Гайтийг авар, Дэлхийн ан амьтдыг хайрлаж хамгаал гэж хэлэхгүй зүгээр л бусдад дор хаяж гай болохгүйхэн шиг л амьдар.

Энэ дууг сонсохоор яагаад  ч юм дотор маань гүйдлээр цохиулж байгаа юм шиг мэдрэмж төрж илүү урам зоригтойгоор амьдралыг хардаг. :D

Одоо бодогдсон сэтгэгдэлээ хэлье.

1. Амьдралын жам цаг хугацаа өнгөрөөд л одно бид тэр үед тодорхой орон зайг хаа нэгтээ өнгөрөөгөөд л одно. Тэрхүү дурсамжнуудаа заримыг нь өөрчихийг хүссэн ч энэ боломжгүй. Тэгэхээр нэгэнт өнгөрснийг өөрчилдөггүйгээс хойш ирээдүйдээ илүү итгэлтэйгээр одоодоо сэтгэл хангалуун амьдрах хэрэгтэй.
2. Хүслийг хясдаг хорвоогийн жам болохоор өөрсдийгөө тэгэж зовоох хэрэг ч байна уу. Аристоталь "Их хүснэ гэдэг өөрөө зовлонгийн үндэс" гэсэн байдаг өөр маш олон ухаантан хүмүүс хэлсээр л байдаг. Гэхдээ далай лам хэлэхдээ би хүсэхийг хэзээ ч буруутгаж байгаагүй гагцхүү тэрхүү хүсэж байгаа зүйл чинь өрөөл бусдын төлөө л том зүйлийг хүсэж тэмүүлэх хэрэгтэй гэсэн байдаг.
3. Хүн бүрд бусдад туслах тодорхой цаг хугацаа ирдэг. Баабар гуайн хэлсэн үг шиг.. 
   

   See the full gallery on Posterous
   харин тэр туслах цагтаа бүх хүч чадлаараа тусал.
4. Богинохон энэ амьдралд илүү тод мөр үлдээхийн тулд хайрлавал хайрласан шиг хайрла, хийвэл хийсэн шиг хий аливаа зүйлийг харамсахааргүйгээр өнгөрөө.
5. Гэхдээ үйл болгон сайн байдаггүй гагцхүү зөв сэтгэлээр соёл эерэг хөрсөөр тэжээгдсэн тэрхүү бодол л зөв үйл болно тэгэхээр эхлээд өөрийг зөв сайн хүн болоход анхаар.

Ингэж НҮБ-н индэр дээр дуулсан хүнийг би л лав санахгүй юм байна. Нулимс гарах нь :-)

Одоо Beyonce I was Here гэдэг хөдөлгөөн өрнүүлж байгаа бөгөөд 

http://www.iwashere.org/  эндээс сонирхож болно.

[[posterous-content:pid___1]]

Хүлээ....

Чамайг явсан өдрөөс чамайг санаж эхэллээ..

Чанд ганцхан сэтгэлийн угтаа чамайг дурсан

Учрах гэж учирдаг даруу тавиланд уягдан

Чамайг хүлээн салхин дунд алхлана

 

Ганцаар мэлмэрэн уулсын оргилыг харан 

Сарыг ширтэн чамд үгээ хэлнэ.

Сэтгэлд минь дүүрэн чиний тэврэлт 

Наран мишээх мэт аз жаргалыг мэдрүүлнэ.

 

Бяцхан бодолд хөтлөгдөн дахиад л чамайг бодлоо

Хав хар үүл дэлхийг нөмрөх мэт 

Сэтгэлд гунигийг төрүүлнэ

Чамайг санаж ганцаардан 

Чамайг санаж инээмсэглэнэ.

 

Алс холын замд сайн яваад ирээрэй гэж

Талын монгол чинь чамайг хүлээнэ

Уудам талын чинь сэвэлзүүр салхи чамайг хүлээнэ

Уртын сайхан дуутай уянгын тансаг монгол аялгуу чинь чамайг хүлээнэ

Уулзаж учирч байсан хүмүүс чинь чамайг хүлээнэ

Цэлмэг хөх тэнгэр чинь хүлээнэ

Чамд л ганцхан зориулагдах цэцэгс чамайг хүлээнэ

Уул усны чинь онгод сахиус хүлээнэ

Урт цагаан сахал, буурал үстэй ахмадууд чинь хүлээнэ

Хүний нутгийн тэнгэр гэж бүү бодоорой хүслээ дагах шувуу мэт хөвөр ч байгаадаа чиний араас

Санаа хүслийн алсаас сайхан залуу чинь чамайг хүлээнэ

Цэцэгт талын дундаас эрвээхэй үргээн гарч ирэх чамайг би хүлээнэ.

 

 

Битгий шантар дүү минь

Хорвоо дэлхийд өдөр бүр наран манддаг бол хүн өдөр бүр инээмсэглэн сэрэх бол уу... Ах нь өглөө босоод энэ үгийг бодлоо өнөөдөр би чамайг дагуулан дахиад л чиний төлөө гэх сэтгэлдээ хөтлөгдөн Японы сургуулиудын үзэсгэлэнд дагуулж явах санаатай чамаас өмнө босоод чамайг босохыг чинь хувцаслахыг чинь харан, хоцорлоо хэмээн хэдэн үг чулуудан гэрээс гарснаа санаж байна уу... Тэдгээр үгийг хэлж байхдаа чиний минь хүслэн болсон ЯПОН оронд очвол аливааг эмх цэгцтэй хийж, өөртөө маш их анхаарал тавьж сурах байхдаа гэж бодон сууж билээ. Тэгээд Монгол-Японы төв орох замдаа ах нь 5 жил алхсан тэр л замаараа чамайг дагуулан хурдан хурдан алхахдаа чамд Күнзийн хүүдээ хэлсэн түүхийг ярьж өгснийг санаж байна уу... Хүүдээ 2 хон зүйл хэлсэн ч хүний амьдралд хөлөө олоод өөрөө явчих хэмжээний үнэ цэнэтэй өгүүлбэрүүд байсан юм шүү.

Бид хоёрыг очиход хэдий үйл ажиллагаа дөнгөж эхлэж байсан ч ах нь яагаад заавал чамайг дагуулан хамгийн ард суусан гээч хүмүүний амьдралд хүн олонтойгоо тэр дундаа нийгэмтэй зохицон амьдрах ёстой хэрвээ чи амьдралд жаахан хоцроод л хэт хүлээцтэй удаан чигээрээ байгаад л байх юм бол БОЛОМЖОО үргэлж алддаг юм гэдгийг л сануулах гэсэн юм гэхдий чи анзаараагүй байх лдаа.

Дараа нь лекцийн үер тэтгэлэг авахад заавал математик хэрэгтэй гээд хоёулаа математикийн шалгалтыг нь хараад миний дүү сэтгэл гутарсан байж магадгүй учир нь чамайг тэдгээр бодлогыг бодоогүй жил гаран болсон болохоор одоо санаж байгаагүйг чинь ч мэдэхгүй байна гэхдээ л тэрнээс хойш чи жаахан толгой гудайлгаад л гаран дээрээ бас цаасан дээрээ зураг зурсан гэхдээ аливаа зүйл алхам алхамаар явдаг юм шүү. Тийм болохоор битгий санаа зов эхлээд хэлээ сайн сурая дараа нь математикаа сайжруулая.

Дараа нь сургуулиудын танилцуулгууд явагдаж эхэлсэн харин чи өөрийнхөө суралцахыг хүссэн мэргэжлээр нь сургадаг сургуулийг хайн сургууль бүрийн танилцуулгыг анхааралтай ажиглаж суусныг нь ах нь ажигласан гэхдээ хэдий чамд тэдгээр сургуулиуд хэрэггүй байсан ч ядаж л япон оронд очоод ямар маягаар сурдаг, оюутнууд нь юу хийдэг талаар багахан ч болтугай мэдээлэл авсан байхаа. За энэ хүргээд өнөөдрийн бодсон зүйлээ ах нь дуусгая. Удахгүй хоёулаа дахиад л урагшаагаа алхах болно

Оролцоо 1

Өдөр өдрийн наран өөр өөр өнгөөр тусдаг юм шиг надад мэдрэгддэг. Түүний цацраг нүүрэн дээр минь ирэх үед л халуун дулаан тэрхүү мэдрэмжийг би илүү мэдрэн амьдралд минь гэрэл гэгээ болсон тэрхүү инээмсэглэлээ дахин олж авдаг. Хүн энэ хорвоо юуны төлөө төрсөн юм бол гэдэг асуулттай алхам тутамдаа тулгарах юм. Ямар ч л байсан хүн тодорхой зорилготой энэ хорвоод мэндлэн өөр өөрсдийн гэсэн хувь тавилан ухааны хүчээр өөрсдийнхөө амьдралын зорилгоо тодорхойлон түүнийхээ төлөө алхацгаадаг. Гагцхүү юу тодорхойлох нь чухал биш харин түүнийхээ төлөө юу хийж хөдөлмөрлөж байна гэдэг л чухал.

Тэгвэл зорилгыг тань биелүүлж чадахуйц зүйлдээ та Оролцох л хэрэгтэй. Би энд Оролцоо гэдэг зүйлийн талаар ярьж байна. 10 жилд байхдаа би сургууль дээр хагасайн өдөр болгон болдог бүхий л дугуйланд хамрагдахыг хичээдэг байлаа.(Гэхдээ бөх, зураг-с бусад хэхэ) Энэ зүйлүүд маань иргээд харахад надад асар олон зүйлийг өгсөн байдаг. Дор хаяж л би хүмүүстэй харилцах тал дээр хамаагүй үеийнхнээсээ сайн, бас хагасайн өдөр гэдэг өдөр миний хувьд хичээлийн өдөр мэт л өнгөрдөг байлаа(Хэрвээ би хагасайн өдөр тийм зүйлд хамрагддаггүй байсан бол зүгээр л SONY тоглож, эсвэл кино үзэж тэр цагийг өнгөрөөх байсан байх) ОРОЛЦОО гэдэг зүйл ихэнх тохиолдолд үргэлж олон хүнтэй хамтарч явагддаг, ер нь багийн системийг шаарддаг, бас хатуужил, нэг нэгнээ ойлгох ур чадварыг суулгаж өгдөг энэ бүх үйл явц нь хүнд маш олон зүйлийг өгдөг.

Миний бас нэг дуртай үг байдаг өчигдөр буюу 10 сарын 2 Махатма Ганди-н төрсөн өдөр болсон тэр хүний үлдээсэн "Be the change, if you want to see in the world" хорвоо дэлхийг чи ямар байлгахыг хүсэж байна түүн шиг ээ өөрчил бас тийм байлгахын төлөө оролц.магадгүй бид оролцоо гэдэг зүйлийг багаас л авч чаддаггүй байх учир нь биднийг бага байхаас л эцэг эх минь бидний өмнөөс бүхий л явдалд шийдвэр гаргасаар ирсэн болохоор л өдий насанд хүрсэн ч гэсэн шийдвэр гаргагч хэмээн бидний ярьдаг хүмүүсийн санаа бодол, үйлдийг үг дуугүй дагасаар л байна. Гэхдээ бид заавал том том өөрчлөлтийн төлөө санаа зовж түүнийг өөрчлөх гээд байх албагүй лдээ (оролцож байвал уул нь сайнлдаа). Ямартай ч өөрийнхөө чадах зүйлээсээ л эхлэж оролцох хэрэгтэй.

Хэдэн зүйл дурдчихая хэхэ..

1. Та өөрийн амьдарч, ажиллаж байгаа орчиноо өөрийн бодсон шигээр өөрчилж болно. Ядаж гэр доторх тавилгаа өөрчилөөд үзээрэй амьдралыг арай өөр өнцөгөөс харах байх. Социализмийн үед хүмүүс ажлын 6 өдөртэй байж байгаад 5 өдөрт шилжихэд амралтын өдрийг гэртээ хүмүүс өнгөрүүлэх болж гэр орондоо илүү анхаарч байсан гэдэг түүн шиг та амьдралдаа түр ЗОГСОЛТ хийгээд үзээрэй.
   
2. Өөрийнхөө төлөө ядаж ном зохиол уншиж, харилцааныхаа чадварыг сайжруулах хэрэгтэй. Нэгэн удаа Күнзийн шавь нь хүүхдээс нь танай эцэг эрдэм чадалтай төгс хүн тул чамд маш олон зүйлийг зааж сургасан байхдаа гэж хэлтэл хариуд нь хүү нь эцэг минь надад 2 зүйл л хэлсэн. Эхлээд бага байхад надаас чи УРАН ЗОХИОЛ -сонирхож байна уу гэж асуусан би үгүй л гэсэн тэгтэл чи уншиж бай хүн энэ хорвооод ганцаар амьдрахгүй олонтой амьдрана тэгэхээр чи уншснаар үгийн баялаг чинь нэмэгдэж хүнтэй харилцахад эвтэйхэн болно гэж хэлсэн дараа нь Надаас чи ХУУЛЬ судалж байна уу гэсэн би бас л үгүй л гэсэн тэгтэл хууль судлаж бай энэ хорвоод хүн нийгмийн амьтан тул олонтой зохицож амьдрах хэрэг гарна тэгэхээр тэдэнтэй яаж харьцах талаар хууль чамд зааж өгнө гэсэн гэдэг. Хэхэ..Хоёрхон ч гэсэн хүнд хэрэг болох том санаа хэлсэн байгаа юм шүү.
   
3. Оролцоо гэхээр юм болгонд оролцоно гэсэн үг биш ээ. Өөрт болон өрөөлд эерэг нөлөөлөхүйц зүйлд оролцож бай. Оролцсноор чамд ашиг тустай эрдэм мэдлэг, туршлага, амьдралд чинь нөлөөлөхүйц зүйлд оролцож байх хэрэгтэй.
   

   See the full gallery on Posterous
4. Хүн оролдоод л байвал амжилтанд хэзээ нэгэн цагт хүрнэ гэдэгт би итгэдэг. Гэхдээ зөв зүйлд оролдож оролцох хэрэгтэй. Оролцож л байгаа бол чин сэтгэлээсээ оролцох тун.
   

Нам гүм

Чамайг хайн цэцэгсийг үнэртэн явсаар 

Нүцгэн модны доор тулаад ирлээ

Шаргал улаан навчис газраар хөгөлрөн

Газрыг бүрэхжээ..

Дээш тэнгэрийг харвал

Цагаан үүлэн дээр нэгэн бийр цэнхэр тэнгэрийг будан 

Салхины хөдөлгөөнд найгалзана харагдана

 

Тэртээд байх чиний дүр сэтгэлийг гэгэлзүүлэн 

Намарт дуртай мэт навчсын дунд нам гүмийг мэдрэн зогсоно

Юу бодож хэнийг хүлээн зогсож буйг хэн ч үл мэдэн гагцхүү 

Түүний нүдэнд гунигийн харц мэдрэгдэнэ

 

Орчлонгийн уудмаас чамруу довтлох мэт хүчит салхи ирж буй нь мэдрэгдэн 

Навч мод хоёрын нэгэн үе ижилдэн дассан мэт дурсамжийг сэдрээнэ

Ятга хөгжим янагийн дуун лугаа адил 

Сэтгэлд өнгө нэмэн нэгэн бодолд дарагдуулна

Хайр гэгч мянганы хүлээсэнд хүлэгдэн 

Юуг ч эс хийж чадахдаа бухимдан 

Энэ орчлонгоос одохыг хүснэ:.....

Намар чи юутай сайхан

Юутай өнгөлөг, юутай гэгээлэг, юутай тайван , юутай хатуу, юутай гашуун юм бэ.....

Andy Williams гайхамшигтай хоолойтой

Хүний амьдрал гэж сонин юмаа... Биднийг амьдралд завгүй, өөрийгөө ч анзаарахгүй амьдарч цагийн урсгалыг даган алтан навчсын унахтай зэрэгцэн хажуугаар нь хурдан хурдан алхсаар намар цагийг угтчихаж. Үхэл амьдрал ээлжилдэг хорвоогийн жам урсан өнгөрсөөр бид нарын сайн мэддэггүй гэтэл уран бүтээлийг мэддэг Andy Williams 84 насандаа өнгөрдөг хоёрдахь өдөр биднийг навч цэцэгс бодон алхаж байгаад аль хэдийн тэнгэрт хальчихжээ. Гэхдээ хамгийн гол нь энэ хүн дэлхийд алдартай өөрийнхөө дуу хоолойгоор бүтээгдэсэн хэдэн уран бүтээлээ бидэнд үлдээжээ. Энэ хүн 8 алтан, 3 платиниум албум буюу гайхамшигтай хоолойг бидэнд үлдээжээ... Одоо энэ хүний хэдэн алдартай дууг сонсгоё.

Хорвоо чамайг нэг өдөр төрүүлж

Нэг мөчид л чамайг аван одон.. Харин иргэж харах боломж олдвол юу хийчихсэн байх бол?

Энэ дууг бага байхаас эхлээд л шинэ жил болохоор бараг бүхий л кинон дээр явахыг нь сонсоод ийм гоё дууг хэн дуулдаг байлаа гэж боддог байлаа..Ялангуяа гэртээ ганцаараа дээр.

 

Гэрэлтэн харагдах нарны туяа

Бодлын тэнгист автан умраас өрнөдрүү довтлох зуур 

Богинохон ч гэсэн хүний амьдралд жаргалын гэгээ татуулагч 

Намар цаг минь сайн байна уу...

 

Намайг жаахан байхад тэднийг өтөл байх үед

Шаргалтан харагдах нарны туяанд нүүрээ наан

Налгар намрыг мэдрэн тэнгэрээс унах мэт

Шаргал улаан навчсын дунд хөх тэнгэрийг харан хэвтдэгсэн

Аз жаргалын туяа жүржийн үнэртэй хамт над дээр ирдэг 

Намар цаг минь сайн байна уу...

 

Улаа бутруулсан хацар, нүүрэн дүүрэн мишээлтэй

Гялалзсан хар нүдтэй жирийн нэгэн монгол хүн жижигхэн ч гэсэн улаанбаатарынхаа гэрэлт гудамжаар алхлан

Шинэ амьдрал минь сайн байна уу,,,

Намар цаг минь сайн байна уу... хэмээн мэндчилнэ

 

Social media-г тайлбарлах нь...

Хэхэ... Аливаа зүйл том, ойлголт нь өргөн бас хүртээмж нь их болох тусам түүнийг ойлгох нь илүү төвөгтэй болдог. Тиймдээ ч аливаа зүйлийг илүү хялбаршуулж ойлговол амжилтанд хүрнэ. Сая явж байгаад ийм нэгэн сонирхолтой infographic- г харлаа.. хэхэ.. SOCIAL MEDIA 

SOURCE

Би таны өмнөөс хариуцлага үүрнэ...:

Налгар намар нэг л мэдэхэд айлчлан ирж намрын сэрүүнийг дагуулан ирлээ. Нар буцаж модод шарлан хүн бүр л завгүй шахам хөдөлмөрлөж хот дүүрэн хүн, машин нь бужигнаж байна. 

Намрын талаар ярих гэсэнгүй хариуцлагын талаар хэдэн өөрийн бодож байгаа зүйлээ л бичье гэж бодлоо. Өнгөрсөн үе нь ирээдүйнхээ цааш явах замд нь шатыг нь бэлдэж өгдөг олон жишээг би уншиж, харж байлаа. Ялангуяа энэ талаар ярих юм бол япон солонгос, сингапур гээд л дэлхийн одоо баруудыгаа л шууд нэрлэмээр байна. Бидний амьдралыг сайжруулахын төлөө өмнөөс минь шийдвэр гаргадаг төр хэмээх эзэн биегүй зүйл буюу түүний өмнөөс гүйцэтгэж байгаа УИХ гишүүд, сайдууд гээд л эцэг эх, гэр бүлийнхэн гээд л маш олон хүн бидний өмнөөс тодорхой хэмжээний шийдвэр гаргасаар ирсэн.

Миний харж үзэж байснаар хятад, солонгос зэрэг улсуудад аливаа нэгэн өр зээл нь өв уламжлагдан хүүхэд, үр ач гэр бүлийнхэнд өвлөгддөг гэдгийг харж бүр тийм хүмүүстэй ч учирч байлаа.

See the full gallery on Posterous

Гэхдээ энэ зүйл нь нэг бодлын их эвгүй бас балай юм шиг зүйл боловч эцсийн эцэст хувь хүний хариуцлагийг илүү өндөрт мэдрүүлдэг зүйл юм шиг. Манайхан ялангуяа төрийн гээд бидний нэрлэчихсэн хүмүүс маань бидний өмнөөс маш их зээлийг аван улс орны сайн сайхны төлөө хөрөнгө оруулалт гэх үр ашиг, өгөөж багатай зүйлд зарцуулан өөрсдийгөө түнтийлгэж байгааг бидний нүдний өмнө бэлхэн харагдана. Саяхан цонхоор хараад л сууж байгаад надад нэгэн бодол зурс хийгээд л ороод ирлээ бодоод инээд ч хүрэх шиг. Тэр юу вэ гэхээр хэрвээ бидний өмнөөс шийдвэр гаргаад улс орноо барьцаанд тавин байж зээл авсан хүмүүсийн буруу нь ил гараад маш их алдагдалд хүргэх юм бол тэдний үр хүүхэд нь тэр өрийг нь цайруулах ёстой гэвэл ТЭДГЭЭР хүмүүс шийдвэр гаргахдаа ямар хянамгай гаргах бол.|( Кинон дээр эцэг эх нь муу нэр авбал үр хүүхдүүдийг нь байх суухын аргагүй болгодог) Ирээдүйд гарах үр дүнг бас ачааг залуу үе бидний доод дүү нар бид бүгд хамт л үүрнэ энэ л хамгийн чухал зүйл. Миний хүүхэд өөр улсад амьдарлаа гээд яг тэр улсын уугуул иргэн нэгэнт болохгүй шүүдээ. Бусдад бас л ад үзэгдэн мэлээн хэдэн үеийг давтал тухайн улсынхаа 2-р зэргийн хүн л болно. Тэгэхээр энэ миний бас шийдвэр гаргаад байгаа хүмүүсийн сонголт мөн үү...

Аливаа хүн өөрчлөгддөг гэдгийг л би сайн мэднэ. Хүн өөрчлөгдөхөд дадал зуршил л хамгийн хэрэгтэй. Нэг зүйлийг сайн хийдэг бол тэрийгээ л сайн хийгээд байх хэрэгтэй. Өөртөө зөв эерэг хандлагийг бий болгоод байх хэрэгтэй. Хэзээ нэгэн цагт, нэгэн нартай өдөр би сайн хүн болнодоо, ямар нэгэн зүйл (ном унших, бусдын төлөө сайн сайхан зүйл хийх, өөрийнхөө төлөө ажилаж эхлэх....гэх мэт) -дээр өөрчлөгдөнөдөө гэж бодоод л өнгөрдөг. Гэтэл цаг хугацаа гэдэг урсаад л өнгөрчихдөг ялангуяа завгүй, аз жаргалтай байгаа цагт тэгэхээр нүд ирмэхийн зуурт л амьдрах энэ цаг хугацаанд аливаа зүйлдээ илүү хариуцлагатай хандмаар юм шиг.

Жишээ нь та гэр орноо цэвэрлэхгүй 7 хонолоо цаашлаад сар больё нүдэнд тань нөгөө л замбараагүй юм байсаар л байх болно. Гэхдээ та сайн ажиглаж харах юм бол тэнд нөгөө өвчин үүсгэгч муу нян бас л илүү их үржчихсэн таныг хордуулахад бэлэн болчихсон хүлээж байна шүүдээ.. 

За ингээд нуршаад байвал нуршаад л байна. Тэгэхээр хэдэн бодож санасан зүйлээ хэлье... 

• Хариуцлага гэдэг зүйлийг сайн ухаарч ойлгох хэрэгтэй.
  • Хэний өмнө хариуцлага хүлээж байгаа вэ?
  • Хэнд ,юунд би сөрөг зүйл үзүүлж болохгүй вэ?
  • Шийдвэр гаргасан зүйл тань хэзээ нэгэн цагт үр дүнгээ үзүүлнэ.
• Муу зүйл аажим аажимаар хүнийг иддэг яг л хөгз шиг хэхэ...
• Оюун бодлоо цэгцлэхээс хүний эмх замбараа гэдэг зүйл бий болдог.
• Та ганц л амьдарна тэгэхээр шийдвэрийг гаргасан л бол ард нь зоригтой зогсож бай...

 

 

 

 

 

 

 

 

 

Ал

Replace this with the title of your post

.

. .

Blog, Facebook, Twitter, Biznetwork, Amplify, Linkedin, Google, Youtube

mobile 99672728

GANGNAM STYLE MONGOLIA

:-) Хэхэ. 8 сард Хөвсгөлөөр явж явж ирээд найз нартайгаа уулзаад л зогсож байтал Gangnam style нтр гээд л тийм ч хүн тэрэн шиг зураг авхуулж, тэр бол ийм зүйл тэр үнэхээр солиотой, мангар хөгжилтэй гээд л олон олон яриа найзуудын маань дунд хөврөх нь тэр тэгтэл би гэдэг хүн харин бараг 3 долоо хоног шахам интернэт буюу миний хэлж заншснаар соёлт ертөнцөөсөө аль хэдийн таслагдсан болохоор Солонгосын Gangnam дүүрэгийнхний энэ бүжгийг нь мэдээгүй явж л дээ. Тэгээд орой нь гэртээ очиж байгаад жаал үзэж өөрөө GANGNAM -дав гэх нууцаар хэхэ...За энэ ч яахав гол нь юу вэ гэхээр энэ клип үнэхээр их алдартай болчихжээ. Billboard-д түрүүлж дэлхийн том том одууд дагаж дурайж хөдөлнө. За тэгээд монгол шиг жижигхэн газар бараг хүн болгон бүжиглэж байх жишээтэй. Дэлхийд бүр бараг 100 гаруй сая хүн үзчихжээ.... WHOOOO

Гэхдээ эндээс надад хамгийн сонирхолтой нь санагдсан нь Манай мөрөөдлийн театр-нхан маань бараг долоо хоногийн өмнөөс л Gangnam-г монгол хувилбарыг хийж байгаа сураг чих дэлсээр өчигдөр орой л нэг олж харлаа.

Үнэхээр хүмүүсийн хэлж байгаагаар яг дуурайчихжээ хэхэ.. Дүүрэндээ зохицсон ч гэж ванилиййй гэж хэхэ...Гэтэл үнэхээр маркетер хүн шиг л дэлхийн нийт намжиж амжаагүй байтал энэ дуун дээр өөрийн шинэхэн тоглолт болох 9 сарын 20-с тоглогдож эхлэх "Амьдрал өөрөө бэлэг" тоглолтынхоо за бидний хэлж заншснаар Promotion-оо хийчихсэн байх юм. Үнэхээр гайхалтай бас л сэтгэсэн байна шүү гэж хэлэмээр. 

GANGNAM STYLE MONGOLIA

Монголчуудыг хуулдаг гэж дандаа ярьдаг гэхдээ одоо хуулах түвшин маань илүү сайжраад хуулсан зүйлээ өөрийн болгодог болчихож, ялангуяа саяынх шиг стайл бол гайхамшигтай шууд л клипийг реклам болгож хувиргаж байна шдээ... Хэхэ.. Сонирхолтой биш гэж үү... Маркетерүүд бид бас л суралцах л хэрэгтэй хэхэ...:D

Жинхэнэ харилцаа...

Дэлхий нийтийн хөгжилийн үндсэн platform нь яахын аргагүй интернэт болоод мэлээн хэдэн жилийг үджээ. Энэ гайхамшигтай зүйлийн талаар яриад ч хэрэггүй байхаа бүгд л мэднэ. Тэгвэл өнөөдөр Web 2.0 -н бидэнд өгсөн Person to Person  харилцааг цэнхэр дэлхий дээр маань хүмүүс ашиглаж өөртөө тодорхой хэмжээгээр давуу талыг бий болгосоор байна. Гэхдээ контент буюу тухайн интернэт дэхь янз бүрийн агуулгатай мэдээ мэдээллийн үнэн бодит байдал нь хөгжлийн хэрээр хэмжигдэх шаардлагатай болсоор байна. Бидний мэдэхээр энэ тал дээр хамгийн их асуудал үүсгэдэг website  бол Wikipedia юм дэхийн өнцөг булан бүрт өөрийн гэсэн боломжит хэмжээндээ хүмүүс мэдээллэл оруулдаг бөгөөд үүн дээр бодит байдал зарим мэдээлэл алдаатай хэвлэгдсээр байгаа билээ. 

Тэгвэл ямар мэдээллийг бодит эх сурвалжит мэдээлэл гэх вэ !!!!!!!!!!!

Бас л сонирхолтой ГЭХДЭЭ хамгийн бодит эх сурвалж бол тухайн контент-г бий болгож буй хүнээс нь өөрөөс нь мэдээллийг авах нь хамгийн чухал дэхий нийтэд томчууд бидний мэдэхээр одууд бас том том компани (ер нь тэгээд бүхий л мэдээллээ өөрийн гэсэн хэрэглэгчтэйгээ хуваалцаж байгаа нөхдүүд хэхэ) Web 2.0 технологийг ашиглан бидний сайн мэдэх FACEBOOK, TWITTER, YOUTUBE, LINKEDIN мөн өөрийн вебсайтаараа дамжуулан мэдээлэл түгээж хэрэглэгчтэйгээ харилцдаг билээ. 

Миний сэтгэлийг ихэд хөдөлгөсөн контентыг өчигдөр орой дуучин БОЛД өөрийн FB  хуудсаа өөрөө хөтлөхөөр болсоноо зарласан нь үнэхээр гайхамшигтай. Одоо бид Болдын хуудасны ард хэн нэгэн хүн л хөтлөж дуу оруулж, зураг болон ямар нэгэн зүйл бичиж байгаа байх гэж бодолгүйгээр энэ хуудсан дээр тавигдсан зүйл бүрийг БОЛД маань өөрөө оруулж байгаадаа гэж бодон илүү үнэ цэнэтэйгээр хүлээн авах болно.

(Өөрөө хөтөлөхөөр мэдэгдсэн видео)

Үүгээр дамжуулж нэг л санааг хэлэх гэсэн юм аа... Монголын бизнесийн болон бусад салбарт ажиллаж байгаа хүмүүст хандаж хэлэх хэдэн зүйл байна.

1. Тухайн өөрийн тань ИНТЕРНЭТ орчинд төлөөлж буй хуудсандаа (FACEBOOK PAGE, YOUTUBE, TWITTER, LINKEDIN, Company website) илүү анхаарал тавих хэрэгтэй. Энэ зүйл нь танай байгууллага эсвэл ажилд тань хэрхэн ашиглаж байна вэ хэрхэн зөв стартегитайгаар буюу ер нь хэлэхэд ухаалгаар ашиглаж байгаагаас тань шалтгаалж нэг бол амжилт олно эсвэл бүр дампууруул ч болох юм.
2. Social  орчинд мэргэжилийн хүмүүсээр зөвлөгөө аван ажиллах, эсвэл энэ төрлийн интернэт дэх ном товхимолууд ашиглах. Жишээ нь Авираа ахын орчуулсан "Твиттер Дао" номыг олж уншвал их зүгээр.
3. Интернэт орчинд оруулж буй КОНТЕНТ(бичлэг, зураг, tweet гэх мэт) нь дээр анхаарах. Энэ бол маш чухал бөгөөд та өөрийн гэсэн хэрэглэгч ( Компаний, фен...)-дээ тохирсон зүйл оруулж байж л амжилтанд хүрнэ. Цоожинд нэг л түлхүүр таардаг шиг түлхүүр дээ сайн анхаарах хэрэгтэй.
4. Хэрэглэгчтэйгээ байнга харилцаа үүсгэ. Тэднийг бага гэлтгүйгээр тэдэнд анхаарал халамж хандуулах хэрэгтэй. BESTBUY компанийн онлайн орчинд хэрэглэгчтэй харилцдаг 46000 мянга гаруй ажилтантай байх жишээтэй.
5. Одоо хамгийн гол ойлголтыг өгье. Та нэгэнт л үүнийг ашиглахаар шийдсэн бол өөрийн гэсэн COMMUNITY-гээ бий болго, болгосоныгоо бүү алд тэднийгээ хайрла тэдэнд бүхий л өгч чадах зүйлээ өг.

Энэ хорвоо дээр хамгийн төгс харилцаа бол FACE TO FACE гэхдээ ийм харилцаа үүсгэж чадахгүй ч танд бичгэн харилцаа үүсгэх боломж байна.

Хэрэглэгчтэйгээ харилц Тэднийг сонс... Амжилт

Яаая гэхэв хүлээс минь

Аниргүйн дунд чиний дүрийг сэтгэлдээ тээн 

Чиний хажуугаар алхлаа

Анх чамайг харсан тэр нэгэн бороотой өдрөөс

Энэ түүх эхэлсэн

Улирлын дуудлагаар 

Уулзах өдрийг хүлээн удаан удаан харуулдана

 

Балга дарсанд биш 

Тайван дөлгөөн чиний харцанд согтон

Нэгэн оройг өнгөрүүлнэ

Яаая гэхэвдээ энэ орчлонг 

Харж л амьдарах юм чамайг 

Нас гэж зааг байдаггүйсан бол намайг ч гэсэн чи харах л байсан байх

 

Одоо би чамд сэтгэлтэй ч орчлонгийн өдрүүдэд алга болж юуны магад 

Хүлээх ёстой жамыг даган сэтгэлийн мухарт ганцаардлын байшиндаа сууна.

 

 

Нандин үгс

Хэхэ хүн яг үхэхийн өмнөхөн их сонин сонин зан гаргах юмаа...

Сайхан наадам болж дахиад л нэг намар ирж байх шиг байна. Наадамын сайхан налгар өдрүүдэд хэдэн кино үзсэн шиг ээ сайхан суулаа харин сэтгэлд минь нэг кино илүү дотно их гоё санагдсан болохоор блогтоо бичихээр шийдлээ. Агуулга нь сонирхолтой ...

Мэдээж энэ бол "A Thousand Words" ....Амьдралдаа хүн нээрээ хэрэгтэй хэрэггүй маш олон үг хэлэх юм аа. Зарим нь бүр амнаас гарч буй эдгээр үгсээ бүр мэргэжил болгочихсон түүгээрээ мөнгө олоод л гэхдээ энэ буруу биш л дээ. Хамгийн гол нь дотоод дуугаа мартдаг нь алдаа юмдаа. Үүний өөртэйгөө ярих гэдэг. 10 жилд байхад маань анх удаа С.Ганбаатарын лекцэнд суучихаад өөрийн дотоод дуу хоолойгоо сонс гэдэг үгийг анх илүү ойлгож хүлээж авснаас хойш одоо байнга л ярилцсаар л байна(өөртэйгөө шдээ). Анх өөртэйгөө ярих гэдэг зүйлийг толинд харж байгаад л яридаг байлаа ёстой янз бүрийн юм ярьж өгнөдөө дараа нь их сургуульд ороод сургуульруугаа явахдаа ирэхдээ өөртэйгөө байнга ярилцдаг байж билээ. Одоо харин энэ маань нэг л багасаж байна. Учир нь хүн нийгмийн амьдралд орж хариуцлага нэмэгдэх тусам өөрийн дотоод дуу хоолойгоо сонсож чадахаа больж ярилцахаа болих юм. Энэ бол маш эмгэнэлтэй хэрэг магадгүй зарим нэгэн хүн юу яриад байгаан гэж хэлж болох гэхдээ хүн өөртэйгөө ярилцсанаар амар амгалан байдал, аливаад хандах хандлага болон өөртөө итгэх итгэлийг олж авдаг.

Амьдрал богинохон энэ кинон дээр дүрсэлсэн хамгийн сонирхолтой дүрсэлэл нь хүнийг модтой адилтгасан бөгөөд модны навч болгон нь тухайн хүнээс гарах үгс бөгөөд нэг үг гарахад нэг навч унана гэх мэтчилэн бүх навч унахад ҮХНЭ. Энэ нь хүнээс гарч буй үгс бүхэн үнэ цэнэтэй байдаг. Хүн хайртай хүндээ найз нөхөддөө хамгийн эрхэм нандин үгсийг ямар ч амьгүй мэт зүгээр л хэлдэг. Хайртай, би чамд итгэдэг гэх мэтчилэн хүний бусдаас нэг ялгардаг онцлог нь тэдгээр үгсийг нөгөө хүн маань яаж хэлж байна гэдгийг далд ухамсар маань аль хэдийн задлан шинжилэн илрүүлдэг.

Эндээс хэдэн зүйлийг хэлмээр байна.

1. Хэрвээ та мод байсан бол навч болгоноо хэр хайрлах байсан бол?

Хэн ч ийм болгоод сууж байхыг хүсэхгүй л байх....:-)

2. Чамд боломж гарах юм бол хүнийг баярлуул.

See the full gallery on Posterous

3. Мэдээж Баярлалаа гэдэг үгийг хэл...Гэхдээ эцсийн навч чинь унаж байгаа мэтээр төсөөл

4. Хүнийг уучил, уучилахгүй байснаараа та л өөрөө зовно бас аз жаргалаа алдана.

See the full gallery on Posterous

5. Хайртай гэдэг үг бол нандин үг шүү

See the full gallery on Posterous

Сэтгэлийн чандаас гарах нандин үгс

Бүрхэг тэнгэрийн цаанаас ч нар гаргана

Амьдралыг ойлгуулж 

Сэтгэлийн жолоог суллана

Үггүй хайр үлгэрийн орныг бий болгоно

Юуг ч эс харж, юуг ч эс өгүүлнэ 

Анир чимээгүй НАНДИН ҮГС

 

 

 

 

 

 

 

 

 

 

 

 

 

..,

Олон бодлын минь үзүүр 

Орчлонгийн төгс гялбаа

 

Чихрийн амтаар эхэлсэн чиний инээмсэглэлийг харан 

Харцны чинь гэгээнд шүлэг тэрлэж явсан би

 

Одод түгсэн шөнө чамайтай хамт алхаж

Олны хөлөөс зайдуу салхины шившээнд суусан

 

Олон зун хамт байсан бишдээ анхных нь магад энэ юмдаа

Олон үг хэлэхийг би хүссэнгүй 

Найланхай хонгор аашинд чинь татагдаад 

Уянгалаг хоолойг чинь давах зүрх надад төрсөнгүй 

 

Бодлын мянган долгион сэтгэлийн гүнд мушгиралдаад 

Нууцхан сэтгэлд минь гунигийн салхи сэвэлзнэ

 

Учралын болзоог дагаж урссан он цагийн элээнд 

Амжиж миний олж харсан үл мэдэг инээмсэглэл

 

 

 

 

 

Модон чихэр

Хэхэ... Мэдээж чупс шүүдээ.... Өнөө орой сайхан орой яагаад гэвэл нууцхан нэгэн бодол минь биелсэн шөнө байлаа.

За эхлээд чупсаасаа эхлэе хадуурхана хэхэ...

Уул нь цэнхэр чупсанд би дуртай лдаа тэгээд тэрийгээ авах гээд дэлгүүрт ортол улаан нь байв. Яах ч аргагүй би хүнтэй (хүлээлгэж болохгүй) уулзахаар болзсон улааныг нь авчихлаа

 

ээд маш удаан хугацаанд алсаас л харсан хүнтэйгээ удаан уулзах боломж олдовоо гэж.. Орой яагаад ч юм яг л тогтоон тэгээд бас халуун ч биш хүйтэн ч биш цаг агаарыг хүртэл таруулсан гэлтэй хэхэ..

Нээрээ би 10 жилдээ ингэхийг их хүсдэг байж билээ хаха....

Заза түр зур наргичихлаа хэхэ. Тэгээд түүнтэй хамт алхаж явахдаа чиний хоолойг би өөртөө хадгалая гэж би бодсон. Цаг хугацаа яг л хүний дээгүүр урссан гол мэт гэдэг шиг л нэг л мэдэхэд 2 цаг бид хоёр суучихаж түүний талаар миний мэдэхгүй зүйлсийг тэр надад ярьж өгөн нэгэн оройг өнгөрөөх шив. Гэхдээ олон олон бодлуудын маань нэгээхэн хэсэг орчлон дэлхийн багахан орон зайд биелээд амжсанд сэтгэл минь сайхан байлаа.

Түүнээс би дахиад л хүн хүнээр дутдаг гэдэг зүйлийг сэтгэлийн уудамдаа мэдэрлээ. Би өөрөө хэзээд өөрөө л байх ёстой учир нь би орчлонгийн нэгэн үнэн бодгаль учраас.

Нартай сайхан зуны орой л сайхан байдаг. :D

Заза хүслийнхээ уудамаар бааахан явчихлаа... 

Дэлхийн энтэй төрүүлсэн Ижий бурхандаа баярлалаа...
Дэлхийнтэй бодолтой болгосон монгол ухаандаа талархлаа...

Чиний инээмсэглэл

Яргуй үнэртсэн хавар цаг тэртээ хол одож 

Цэцэгс дэлгэрсэн зуны өдөртэй хамт чи ирсэн

Бороотой шөнө намайг догдлуулж 

Богинохон насанд минь жаргал нэмсэн

 

Уулын оройг өглөө бүр хардагч 

Өчигдөр шөнө мэт чиний инээмсэглэлийг цээжиндээ би үргэлж хадгалдаг

Сарнай мэт уруулд чинь 

Хавирган сар мэт мишээх дүрэнд чинь би хайртай

 

Хүний нутгаас өөрийн нутаг хүртэл 

Сэтгэлийн мухараасаа чамруу шулуун чавхдас татсан

Дурлалт халуун насандаа

Дураараа нисэх шувуу мэт чамруу далавчаа дэлгэсэн

 

Одоо би чиний тухай бодож байна 

Огторгуйн уудмаас нүдрүү минь гэрэлтэх мөнгөн одод шиг мишээж байна

 

Бороотой шөнөтэй хамт нэгэн зүйл над дээр ирдэг 

Дусал бүрийн чимээ

Гэрлийн мөнгөн цацрагтай хамт намайг инээмсэглүүлдэг 

Гэхдээ чиний минь инээмсэглэл тэр бүгдээс илүү гэж би хэлж чадна

Түүгээр ч барахгүй аз жаргалын минь алтан түлхүүр гэж чамдаа би амлаж чадна

 

 

7 сарын 1

Гэнэтийн учрал гэнэн бодлуудын маань цуглуулга

 

Наран мандсан налгар зуны өдөр би чамтай анх учирсан 

Найраг дуунд хөглөгдөн чиний гараас би хөтөлсөн

Нэрийг минь дуудахад нарт ертөнцөд нэгэн өнгө нэмсэн

Нэрэлхэлгүй би чиний зүг ширтсэн.

 

Урьдын чиний төрхийг өнөөдөр би харлаа 

Уулзаж учирч явсан мөчүүдээ ахиад би санагалзав

Гунигийн дуу биш хацарт чинь урсгал ус шиг нулимс үлдээсэн 

Улаан уруул чинь биш цээлхэн хоолой чинь миний цээжинд үлджээ.

 

Чамтай мэндлээд цаашлах зориг надад төрсөнгүй

Энэ олон жил чамтай юу тохиолдов гээд л

Чиний талаар миний мэдэх зүйлсийг мэдэхийг их хүсэвч 

Ингэж асуух цаг нэгэнт үгүй болжээ.

 

Урьдын хийсэн шийдвэр 

Урагшлах замын маань луужин болсон

 

Одоо надад харамсах сэтгэл төрөхгүй 

Харин олны дунд чамайг би анх харсандаа баярлаж 

Ариухан хайрын эхлэлийг өрнүүлж байсандаа талархнаа

Чиний араас харан аз жаргал хүсэн би цааш алхсаар.

Нэгэн дусал

Сэтгэлийн минь мөнгөн утас чиний зүг татсан 

Сэм сэмхэн өөрлүүгээ би татсан

 

Моддын шивнэлдээн

Салхиний исгэрэхтэй хамт 

Чиний минь захиа ирсэн.

Зуун зуун жил чамайгаан үгүйлэнэ гэж

Зургаан өдөр би гашуудсан 

 

Зуны найртай цагийг зүсэр бороотой хамт угтан

Чинийхээ зурганд би хэлсэн.

 

Улаахан уруулыг чинь амтлаагүй ч 

Учралын аясанд хөтлөгдөж явсан би 

Учран золгох хувьгүй ч 

Ухаарлын айзамд алхсан.

 

Уул нь өндөр, ус нь гүн энэ орчлонд

Сэтгэл уужим энэ хорвоод чамайгаан дуулж

Сайхан амьдрал, сайхан үгсээр чамайг би далласан

Одоо чи надаас хол орчлонгийн нөгөө хязгаарт 

Харин би энэхэн орчлонгийн бодолд хөтлөгдөн тэнгэрийн зүг ширтэн алхсаар

Намайг чи амьдар гэж хэлсэн 

Харин би амьдарахаар шийдсэн 

Гэхдээ хэн нэгэнд баглуулж биш 

Хэн нэгнийг баглаж биш 

Хүсэл мөрөөдлийнхөө зүг нисэхээр шийдсэн.

 

 

Цонхны цаанаас...

Өглөө нүдээ нээхээс эхлүүлээд л бараан үүлийг харсаар цонхны цаана ирлээ. Удаан уухгүй гэж бодож байсан кофе нэгэн найз маань өгөн өөрийн эрхгүй уулаа. 

урдын уудаг байсан кофе-наас нэг л өөр амт надад амтагдав. Магадгүй өнөөдөр энгийн өдөр биш миний олон сайхан дурсамжийг агуулдаг бороотой өдөр болохоор тэр юм бол уу,,, Нэг л мэдэхэд тэнгэрдэх үүлс бөөн бөөн дусалтай хамт намайг бодлогошруулах болов.

Бороонд шүхэр барьсан хүмүүсийг харан дахиад л бодлын уудамд хөглөгдөн алхдаг хүмүүний амьдралыг нэг санагалзана.

Гэрэл гэгээтэй мөч олон байдаг боловч бараан бороотой өдөр түүнээс илүү үнэ цэнэтэй. Аливаа зүйл амархан олддоггүйтэй адил ховор зүйл л үнэ цэнэтэй байдаг. Тийм болохоор байнга уудаггүй боловч хааяадаа ганц хоёр балгадаг кофе маань илүү амттай байгаа юм болуудаа.. Сэтгэлийн хөөрөлийг нэмэгдүүлж хүнийг сэргээх боловч мөхөд эрч хүчтэй байлгаж чадахгүй юмдаа. 

Би бороонд хааяа шүүхэрээ хаяад 

ингэхийг л хүсдэг. Тэгээд гар дээр минь зөөлөн зөөлөн дуслах тэр олон дуслуудыг мэдрэн 

инээмсэглэх дуртай. Хүн үргэлж л өөрийнхөө дураар байж чаддаггүй учир нь ийм нөхцөлийг бий болгох маш хэцүү. Эрх чөлөө гэдэг хүний амьдралын хамгийн үнэ цэнэтэй зүйл юм бол тэр нь яг юу юм бол.... Мэдэхгүй юмдаа одоо хүртэл асуултаа тавьсаар л ...Нээрээ бороотойд кофе уунгаа (Keane сонсох гоё....). 

Би бороонд зориулж хэдэн үг л шивнэмээр байна. 

Намайг эрх чөлөөтэй  хэнээс хамааралгүй инээмсэглүүлдэгт чинь баярлалаа гэж.

Бороонд би дуртай учир нь бороонд л жинхэнэ хүний нүүр ил гарч ирдэг...:-)

Хавар

Тэвэр дүүрэн цэцэгсийн дэлгэрэх мөч
Тэнгэрийн хааяа бараантах үе
Тэртээ холоос ижийгий минь дуудах дуу
Тэнхлэг нь өөрчлөгдөх орчлонгийн жам
Чиний өмнө сөгдөх тэр л агшин намайг гэгэлзүүлнэ.

Урин цаг, уянгын эгшиг намайг сэргээн
Яруу тансаг хаврыг авчирна.

· March 3 at 1:51pm 2012

Ганцхан нарны гэрэл

Голын хоржигноон шувуудын жиргээтэй хамт налгар зуныг угтлаа.... Хүсэл мөрөөдлийн оргил өөд тэмүүлэн алхсаар энэ насыг үдэх вий гэхээс хааяад айх юм. Өөрийн мэдэлгүй одоогийн жаргалыг умартан алс холын мөрөөдөлдөө хөтлөгдөн урагшилана. Тиймдээ ч хааяадаа би гэнэт зогсон, нүдээ анин орчноо мэдрэх дуртай салхиний намайг илбэх, нарны над дээр тусах илч, хажуугаар өнгөрөх хүмүүсийн алхах, машины чигнал гээд энэ олон мэдрэмжийг  яг одоо цаг дээр мэдрэнэ гэдэг гайхамшигтай. 

Өнөөдөр бурхан багшийн их дүйцсэн өдөр гэхдээ бусад жирийн өдрүүдийн адил л өдөр гэхдээ энэ өдөр хүмүүсийн сэтгэлзүйд их л сайхан өдөр яагаад гэвэл энэ өдөр хийсэн сайн үйл бүр нь иргэн хариугаа өгнө хэмээн Бурханы шашны хүмүүс үздэгт оршиж байгаа. 

Хүн өөрийнхөө амьдралдаа бага ч болтугай сэрэмжийг байнга өгч байх хэрэгтэй учир нь та өнөөдөр амьд байна шүүдээ. Хэдхэн секунд нүдээ аниад амьсгалаа мэдрэхэд гайхамшигтай шүүдээ. Мэдээж хүмүүн бид итгэл найдвар, хүсэл мөрөөдөлдөө жигүүрлэгдэн урагшаа зоригтой алхдаг шүүдээ... Энүүгээрээ юу гэж хэлэх гээд байна гэхээр бид үргэлж ирээдүйг бодохоос илүүтэйгээр одоог бодох нь хамгийн их аз жаргал, эрч хүчийг таньд өгнө. 

[[posterous-content:pid___0]]

Энэ өдөр хүн болгон хүслээ шивнэн хамтдаа Гэрэлт зул өргөдөг. Энэ нь ч бас зүгээр нэг зүйл бишээ.. Учир нь маш олон хамтдаа гэгээлэг сайхан зүйлийг бодон хамтдаа энэ орчлон дээрх нэгэн сайхан мэдрэмжийг авах тэрхүү агшинд хүнд өөрт нь асар их итгэл төрдгөөс гадна, бидний хэлж заншснаар нууц буюу таталцлын хууль үйлчилэн хүслийг нь биелүүлдэг.

Уул нь хүн өдөр бүр аз жаргалтай байж чаддагсан бол хүсэл нь маш хурдан биелэж сэтгэл тэнүүн явахсан. Хорвоод аз жаргалтай инээмсэглээр дүүрэн өдрүүд олон байх болтугай.

Миний Босс Ажлыг ч хүнийг ч ална....

VIA KEAS

Бүү мэд

Гэнэт ирдэг гэнэт буцдаг

Гэнэт гайхшруулдаг 

Гэнэт инээмсэглүүлдэг 

Намрын налгар өдөр 

Өвлийн цастай шөнө

Хаврын орой

Зуны урин цагтай хамт үргэлж хамт байдаг 

Үзэсгэлэн төгс үнэхээр нэгэн аз жаргал

Үүрээр ирээд шөнөөр буцдаггүй 

Үүрд хамт байдаг аз жаргал

Зовох цагт түшиг болж

Өлсөх цагт хоол болж

Цангах цагт цангааг тайлдаг 

Аз жаргал чи хэнийг дуудахад гарч ирдэг 

Хэнийг дуудахад гарч ирдэггүйг чинь 

Би мэдэхгүй 

Гагцхүү амьдралын аясыг хөврөх 

Цагийн элээнд  хамт байдаг 

Эцэс төгсгөл нь үл мэдэгдэх 

Аз жаргал чамдаа баярлалаа...

 

 

on Saturday, May 12, 2012 at 9:34pm

Залуу нас

Хэний төлөө гэж явах вэ..

Хүсэж ирдэггүй, хийсэж оддог залуу нас

Хүний хүслээс давсан залуу нас

Хөл нь газар байдаггүй үргэлж дүүлдэг залуу нас

Эрх чөлөөг тунхаглан 

Ирээдүйг дуулдаг залуу нас

Андын үгээр хурцлагдаж 

Мөрөөдлөөр жигүүрлэдэг залуу нас

Хором бүрийг анзааралгүй 

Хийсч, дарьвиж явдаг залуу нас

Маргаашийг үл таамаглан 

Амьдралын нугачаанд хүн болдог залуу нас

Баяр хөөрийг мэдрэн 

Хэзээ ч дахиж ирэхгүй эрч хүчийг мэдэрдэг залуу нас

Хэн нэгэнийг бодон түүнийхээ төлөө хөвөрдөг залуу нас

Хязгаар нь үл байх хүслээ андууддаа хэлж

Ирээдүйрүү сэтгэл зүрхээ нэгтгэдэг залуу нас

Дурсамжийг үйлдвэрлэж, алдаагаар чимдэг залуу нас 

Тэмүүллээр дүүрэн маргаашийг хайрладаг 

Бусдыг гомдоож, баярлуулдаг залуу нас

Хэний төлөө гэж 

Хэний өмнөөс гэж явах вэ...

Аз жаргал гэдэг үгийг зүрхэндээ хадгалаад 

Өнөөдрийн хором бүрийг хайрлан амьдрая

Миний залуу нас надтай л хамт явна.

Хэнд ч надаас миний залуу насыг хулгайлах эрх байхгүй

Залуу хүн залуу хүнийхээ төлөө л амьдардаг юм

Хүсэл мөрөөдлийнхөө төлөө хөврөн одсу...

 

Анд минь чи урагшаа л алхаарай

Анд минь чи урагшаа алхаа...

Алхаж явах амьдралд чинь 

Алаглаж ургасан цэцэгс тааралдана

Анхааруулах гэж замд цагдаа ч шүгэлдэнээ..

 

Гэхдээ анд минь чи урагшаа л алхаарай

 

Гэрэлтэй ирээдүйн замд чинь

Нүүрээ будсан хүүхэн ч тааралдана

Онгон талын бодьгал ч тааралдана

Олноос онцгойрох юм үгүй ч сэтгэлтэй нэгэн ч тааралдана

 

Гэхдээ анд минь чи урагшаа л алхаарай

 

Хүсэл мөрөөдөл дүүрэн энэ амьдралд 

Хүслийг чинь биелүүлэгч нэгэн ч тааралдана

Хүний мөсгүй нэгэн ч тааралдана

Хүндлэл үзүүлэх нэгэн ч тааралдана

 

Гэхдээ анд минь чи урагшаа л алхаарай

 

Улиран өнгөрөх цаг мөчид

Хаврын салхи ч тааралдана

Зуны сайхан бороо ч тааралдана

Намрын шаргал навчис ч тааралдана

Өвлийн хүйтэн жавар цагаахан цас ч тааралдана

 

Гэхдээ анд минь чи урагшаа л алхаарай

 

Хийгээд хийгээд дуусахгүй хорвоод 

Гэрийн ажил ч тааралдана

Бусдын ажил ч тааралдана

Бүгдийн төлөө ажил ч тааралдана

Хүслийн чинь ажил ч тааралдана

 

Гэхдээ анд минь чи урагшаа л алхаарай

 

Дуулим энэ хорвоод 

Дутууг чинь нөхөх нэгэн ч тааралдана

Дуугүйхэн араар чинь муулах нэгэн ч тааралдана

Дүүрэн сэтгэлрүү чинь ус цацах нэгэн ч тааралдана

Зуун жил хамт байх нөхөр ч тааралдана.

 

Гэхдээ анд минь чи урагшаа л алхаарай

Гэрэлт энэ орчлонд өөрийнхөө жаргалын төлөө л гишгээрэй

Хүсэл мөрөөдлийнхөө зүг л далавчаа дэвээрэй

Хүний зааж өгсөнд бус өөрийнхөө зүрхийг дагаж нисээрэй

Амьдралд тааралдах олон бэрхшээлд нулимсаа залгиж

Ганцаараа битгий яваарай

Андын халуун гараас атгаж 

Олонтойгоо хамт даван туулаарай...

 

Гэхдээ анд минь чи урагшаа л алхаарай...

Хэний ч замаар бус өөрийнхөө дурлах 

Хэзээд харамсахааргүй замаараа урагшаа л алхаарай...

 

Уул өөд өгсөхөд чинь тулах цэг

Урсгал сөрж сэлэх үед хүч нэмэх сэлүүр 

Салхи сөрж нисэх үед чинь далавч нь байхыг хүснэ би....

 

Таван хаврыг хамтдаа угтсан

BFF Оонгоодоо зориулав..

2012 оны 4 сарын 13 

Дахиад л нэг хавар ирж нэг насыг нэмлээ..

Төрсөн өдрийн мэнд хүргэе.

 

:-)

Дахиад л нэг бодол...

Гуниглал хагацал үгүй болж тэнгэр цэлмэх мөч иржээ

Гуниглан шаналах үе ч холдож

Он цагийг илээсэн амьдрал дунд

Гэгээн алсын мөрөөдлөө тээн

Хаварын зөөлөн салхинд хацраа элбүүлэн

Хэний ч анзаарахгүй моддын хажуугаар алхлан явна.

 

Тэртээ алсад өнгөрөн одсон дурсамжуудыг нэг санагалзан

Элээн өнгөрүүлсэн дурсамжийн салхинд хөврөн 

Хэнд ч хэлээгүй ариухан дурсамжаа тээн 

Тэр нэгэн модны хажуугаар алхлана

 

Уулын цас хайлж, урсгал мөрөн хоржигноод хавар болжээ..

Ахиад л нэг дурсамжийг ардаа өнгөрөөн холдон явна...

Эргэж хэзээ ч учрахгүй тэр нэгэн охиныг дурсан

Дурлаж явснаа, хайрлаж явснаа санагалзан эцсийн хэдэн мөртийг тэрлэнэ...

 

Уул нь холдож, нар нь алга болох бишдээ

Улирах энэ цаг мөчид цаг хугацаа гэгчийг хэн захирах вэдээ

Өлгий авс хоёрын хоорондох зуурдын амьдралд

Өнгөцхөн төдийд юунд сэтгэл алдарнам

Өөрийн гэх зүйлгүй ч өрөөлд өгөх зүйлтэй ч юм билүү

Амьдралд анзаарахгүй зүйл зөндөө

Ахиад л нэг хаврыг үдэж ахиад л нэг зуныг угтана...

Эргэх энэ орчлонд дөрвөн улиралыг хөглөн

Дурсамжийн салхинд хөврөх энэ үед 

Дулаан уруулаараа хацарт минь хүргэх хэн байна.....

 

on Tuesday, March 20, 2012 at 1:27am

Төржээ би төржээ....

Таанын үнэр сэнгэнэсэн

Талын цэцэгс дэлгэрсэн

Тансаг монголдоо төржээ би

Тахилга хайрхандаа мөргөдөг

Таван хошуу малаа хайрладаг

Таван салаа боов идэж өслөө би

Ааяаа би өсчээ... 

Эр өсөж эсгий сунажээ... 

Талын цэцэгсийг тасдах гэж

Танын үнэрийг үнэртүүлэх гэж

Төрсөн гэрээсээ холдох гэж

Ижий бурхандаа үнсүүлэх гэж төржээ би..

Төржээ би төржээ...

.Төрөх үхэхийн завсардах зуурдхан насыг зооглох гэж

Төржээ би төржээ....,

 on Saturday, March 3, 2012 at 3:05pm