Миний Босс Ажлыг ч хүнийг ч ална....

VIA KEAS

Бүү мэд

Гэнэт ирдэг гэнэт буцдаг

Гэнэт гайхшруулдаг 

Гэнэт инээмсэглүүлдэг 

Намрын налгар өдөр 

Өвлийн цастай шөнө

Хаврын орой

Зуны урин цагтай хамт үргэлж хамт байдаг 

Үзэсгэлэн төгс үнэхээр нэгэн аз жаргал

Үүрээр ирээд шөнөөр буцдаггүй 

Үүрд хамт байдаг аз жаргал

Зовох цагт түшиг болж

Өлсөх цагт хоол болж

Цангах цагт цангааг тайлдаг 

Аз жаргал чи хэнийг дуудахад гарч ирдэг 

Хэнийг дуудахад гарч ирдэггүйг чинь 

Би мэдэхгүй 

Гагцхүү амьдралын аясыг хөврөх 

Цагийн элээнд  хамт байдаг 

Эцэс төгсгөл нь үл мэдэгдэх 

Аз жаргал чамдаа баярлалаа...

 

 

on Saturday, May 12, 2012 at 9:34pm

Залуу нас

Хэний төлөө гэж явах вэ..

Хүсэж ирдэггүй, хийсэж оддог залуу нас

Хүний хүслээс давсан залуу нас

Хөл нь газар байдаггүй үргэлж дүүлдэг залуу нас

Эрх чөлөөг тунхаглан 

Ирээдүйг дуулдаг залуу нас

Андын үгээр хурцлагдаж 

Мөрөөдлөөр жигүүрлэдэг залуу нас

Хором бүрийг анзааралгүй 

Хийсч, дарьвиж явдаг залуу нас

Маргаашийг үл таамаглан 

Амьдралын нугачаанд хүн болдог залуу нас

Баяр хөөрийг мэдрэн 

Хэзээ ч дахиж ирэхгүй эрч хүчийг мэдэрдэг залуу нас

Хэн нэгэнийг бодон түүнийхээ төлөө хөвөрдөг залуу нас

Хязгаар нь үл байх хүслээ андууддаа хэлж

Ирээдүйрүү сэтгэл зүрхээ нэгтгэдэг залуу нас

Дурсамжийг үйлдвэрлэж, алдаагаар чимдэг залуу нас 

Тэмүүллээр дүүрэн маргаашийг хайрладаг 

Бусдыг гомдоож, баярлуулдаг залуу нас

Хэний төлөө гэж 

Хэний өмнөөс гэж явах вэ...

Аз жаргал гэдэг үгийг зүрхэндээ хадгалаад 

Өнөөдрийн хором бүрийг хайрлан амьдрая

Миний залуу нас надтай л хамт явна.

Хэнд ч надаас миний залуу насыг хулгайлах эрх байхгүй

Залуу хүн залуу хүнийхээ төлөө л амьдардаг юм

Хүсэл мөрөөдлийнхөө төлөө хөврөн одсу...

 

Анд минь чи урагшаа л алхаарай

Анд минь чи урагшаа алхаа...

Алхаж явах амьдралд чинь 

Алаглаж ургасан цэцэгс тааралдана

Анхааруулах гэж замд цагдаа ч шүгэлдэнээ..

 

Гэхдээ анд минь чи урагшаа л алхаарай

 

Гэрэлтэй ирээдүйн замд чинь

Нүүрээ будсан хүүхэн ч тааралдана

Онгон талын бодьгал ч тааралдана

Олноос онцгойрох юм үгүй ч сэтгэлтэй нэгэн ч тааралдана

 

Гэхдээ анд минь чи урагшаа л алхаарай

 

Хүсэл мөрөөдөл дүүрэн энэ амьдралд 

Хүслийг чинь биелүүлэгч нэгэн ч тааралдана

Хүний мөсгүй нэгэн ч тааралдана

Хүндлэл үзүүлэх нэгэн ч тааралдана

 

Гэхдээ анд минь чи урагшаа л алхаарай

 

Улиран өнгөрөх цаг мөчид

Хаврын салхи ч тааралдана

Зуны сайхан бороо ч тааралдана

Намрын шаргал навчис ч тааралдана

Өвлийн хүйтэн жавар цагаахан цас ч тааралдана

 

Гэхдээ анд минь чи урагшаа л алхаарай

 

Хийгээд хийгээд дуусахгүй хорвоод 

Гэрийн ажил ч тааралдана

Бусдын ажил ч тааралдана

Бүгдийн төлөө ажил ч тааралдана

Хүслийн чинь ажил ч тааралдана

 

Гэхдээ анд минь чи урагшаа л алхаарай

 

Дуулим энэ хорвоод 

Дутууг чинь нөхөх нэгэн ч тааралдана

Дуугүйхэн араар чинь муулах нэгэн ч тааралдана

Дүүрэн сэтгэлрүү чинь ус цацах нэгэн ч тааралдана

Зуун жил хамт байх нөхөр ч тааралдана.

 

Гэхдээ анд минь чи урагшаа л алхаарай

Гэрэлт энэ орчлонд өөрийнхөө жаргалын төлөө л гишгээрэй

Хүсэл мөрөөдлийнхөө зүг л далавчаа дэвээрэй

Хүний зааж өгсөнд бус өөрийнхөө зүрхийг дагаж нисээрэй

Амьдралд тааралдах олон бэрхшээлд нулимсаа залгиж

Ганцаараа битгий яваарай

Андын халуун гараас атгаж 

Олонтойгоо хамт даван туулаарай...

 

Гэхдээ анд минь чи урагшаа л алхаарай...

Хэний ч замаар бус өөрийнхөө дурлах 

Хэзээд харамсахааргүй замаараа урагшаа л алхаарай...

 

Уул өөд өгсөхөд чинь тулах цэг

Урсгал сөрж сэлэх үед хүч нэмэх сэлүүр 

Салхи сөрж нисэх үед чинь далавч нь байхыг хүснэ би....

 

Таван хаврыг хамтдаа угтсан

BFF Оонгоодоо зориулав..

2012 оны 4 сарын 13 

Дахиад л нэг хавар ирж нэг насыг нэмлээ..

Төрсөн өдрийн мэнд хүргэе.

 

:-)

Дахиад л нэг бодол...

Гуниглал хагацал үгүй болж тэнгэр цэлмэх мөч иржээ

Гуниглан шаналах үе ч холдож

Он цагийг илээсэн амьдрал дунд

Гэгээн алсын мөрөөдлөө тээн

Хаварын зөөлөн салхинд хацраа элбүүлэн

Хэний ч анзаарахгүй моддын хажуугаар алхлан явна.

 

Тэртээ алсад өнгөрөн одсон дурсамжуудыг нэг санагалзан

Элээн өнгөрүүлсэн дурсамжийн салхинд хөврөн 

Хэнд ч хэлээгүй ариухан дурсамжаа тээн 

Тэр нэгэн модны хажуугаар алхлана

 

Уулын цас хайлж, урсгал мөрөн хоржигноод хавар болжээ..

Ахиад л нэг дурсамжийг ардаа өнгөрөөн холдон явна...

Эргэж хэзээ ч учрахгүй тэр нэгэн охиныг дурсан

Дурлаж явснаа, хайрлаж явснаа санагалзан эцсийн хэдэн мөртийг тэрлэнэ...

 

Уул нь холдож, нар нь алга болох бишдээ

Улирах энэ цаг мөчид цаг хугацаа гэгчийг хэн захирах вэдээ

Өлгий авс хоёрын хоорондох зуурдын амьдралд

Өнгөцхөн төдийд юунд сэтгэл алдарнам

Өөрийн гэх зүйлгүй ч өрөөлд өгөх зүйлтэй ч юм билүү

Амьдралд анзаарахгүй зүйл зөндөө

Ахиад л нэг хаврыг үдэж ахиад л нэг зуныг угтана...

Эргэх энэ орчлонд дөрвөн улиралыг хөглөн

Дурсамжийн салхинд хөврөх энэ үед 

Дулаан уруулаараа хацарт минь хүргэх хэн байна.....

 

on Tuesday, March 20, 2012 at 1:27am

Төржээ би төржээ....

Таанын үнэр сэнгэнэсэн

Талын цэцэгс дэлгэрсэн

Тансаг монголдоо төржээ би

Тахилга хайрхандаа мөргөдөг

Таван хошуу малаа хайрладаг

Таван салаа боов идэж өслөө би

Ааяаа би өсчээ... 

Эр өсөж эсгий сунажээ... 

Талын цэцэгсийг тасдах гэж

Танын үнэрийг үнэртүүлэх гэж

Төрсөн гэрээсээ холдох гэж

Ижий бурхандаа үнсүүлэх гэж төржээ би..

Төржээ би төржээ...

.Төрөх үхэхийн завсардах зуурдхан насыг зооглох гэж

Төржээ би төржээ....,

 on Saturday, March 3, 2012 at 3:05pm

Нисэхсэн

Залуу насаараа жигүүрлэн замба тивийн оргил өөд нисэхсэн

Хүн төрөлхтний манлайд нисэхсэн 

Хүч дэлхийн тэргүүнд нисэхсэн

 

Сайхан сайхан охидын зүрхэн дундуур нисэхсэн

Саваагүй зангаараа захидал зууч нисэхсэн

Сарнаас цаагуур оддоос хурдан нисэхсэн

Салхинд туугдаж биш сөрж нисэхсэн

 

Давалгаа зовлон хоёрыг сөрж нисэхсэн 

Дураа хантал газар буулгүй нисэхсэн 

Хээрийн түүдэгний очноос ч илүү гялалзаж нисэхсэн 

 

Нисэхсэн би нисэхсэн 

Нэгэн насаараа нисч яваа жигүүртний адил жаргалыг мэдэрч нисэхсэн

Нисэхсэн би нисэхсэн 

Нэгэн насаараа бүр дээшээ дээшээ нисэхсэн

 

on Tuesday, February 14, 2012 at 10:36pm

Урсгал

Амьдрал урсаад л

Би урсаад л 

Гэхдээ цагийн зүүний эсрэг бус дагуу урссаар л

Хайр гэдэг зүйл хариуцлага гэдгийг ойлгосноос хойш нэгэнт 2 жил өнгөрчээ

Хүний амьралыг гэрэлтүүлэгч тэр нэгэн гэрэл миний эргэн тойронд гэрэлтсээр л хэхэ

Гэхдээ тэр гэрэл нарны гэрэл мэт миний амьдралын үргэлж гэрэлтүүлсээр байх эсэхийг хэн ч үл мэднэ.

Нар сарны заагт орших өөрийгөө хаана буйг эс олно.

Гэхдээ ганц л зүйлийг сайн мэднэ 

Эргэн тойрондох бүх зүйл өөрчлөгдсөн ч 

Нэг хүнийг хайрлах тэр халуухан, дулаахан хайр минь хэзээ ч өөрчлөгдөхгүй

Тэрхүү өдөр бүрийн миний инээмсэглэл

Зүрхийг минь догдлуулан 

Ирээдүйн тэр нэгэн мөрөөдлийг бий болгох юм

Ирээдүйн төлөө юу ч амлаж чадахгүй ч 

Одоо би юу амлаж чадахаа мэднээ... 

Хэхэ сэтгэлийг уяагч чамд баярлалаа..

Ухаарлыг төрүүлэгч хүмүүнд талархая....

 

on Sunday, February 12, 2012 at 4:53pm

Сэтгэл

Сайхан ая, сайхан бүсгүй намайг сэргээдэг шиг 

 

on Saturday, December 24, 2011 at 8:52pm

Би

Бороо чи урьдын нэгэн дурсамжийг санагдуултал асгаж байх чинь..

Бодвол би чамд нэг үг шивнэсэн бололтой... Яг орооч гэж ...

Урьдын адил ордгоороо орж 

Ширүүн дууг надад сонсгож байгаа ч 

Тэртээ нэгэн өдрийг ахиад л чи санагдуул...

Урьдын тэр өдрөөс хойш сэтгэлийн маань үзүүрт нэгэн бодол орон гарсаар

Өнөөдрийн гайхамшигт өдрийг хүргэлээ...

Зураачийн нүдээр амьдрал өөр өнгөөр харагддаг шиг

Найрагчийн хэлээр өөрөөр бичигддэг шиг...

Хөгжмийн зохиолчийн чихэнд өөрөөр сонсогддог шиг...

Миний сэтгэлд өөрөөр мэдрэгдсээр байна....

Урлагыг би чам шиг мэдэрч чадахгүй ч 

Чамайг би хэнээс ч илүүтэйгээр мэдэрч чадна...

Яагаахан уруул чинь янагийн үгсийг хэлж чадахгүй ч

Яваад одох энэ хугацаанд чиний чихэнд би шивнэж чаднаа...

Уулын орой дээр чамайг байсан ч

Далайн дунд чамайг байсан ч 

Үүлэн дунд чи байсан ч ...

Би чиний хажууд л байх болно....

Би чамаас олон зүйл гуйхгүй 

Онцгойлон чамайг бусдаас өмчирхөх сэтгэл ч гаргахгүй..

Ганцхан чамайг надад итгээсэй л гэж хүсэж байна...

Намайг чи үдлээд өнгөрөх түр зуурын зогсоол гэж бүү бодооч ...

Өнгөрсөн амьдралд чинь би байгаагүй ч ..

Өнгөрөөд одох ирээдүйн амьдралдаа намайг дагуулаад  яваач ...

Би гэдэг хүн итгэлээр амьдарч 

Сэтгэлээр сэхдэг...

Сэм сэмхэн дотроо уужруулдаг тийм л нэгэн монгол залуу...

Олноос би илүү гарахгүй ч 

Онцгойлон чамайг би бусдаас хайрлаж чадах тийм л хүн.....

 

 on Saturday, July 9, 2011 at 4:34pm 

Уйтгар намайг.........

Чихэнд минь сонсогдох нэгэн аялгууг сонсоод энэ хорвоод

сайхан мөртүүд ямар их байдаг юм бэ гэж бодох бүрт

Намарын тэр өдрийг бодно.... 

Ирж буй цаг чи бид хоёрын талаар бичэх мэт

Аниргүйн дунд ганцаардахад минь 

Ганц хоёр хуучны дуу санаанд орон

Чамд зориулан салхинд дуулна 

Бүүдгэр тэнгэрийн хаяаг харан 

Тэр нэгэн өдрийг эргэн бодон

Тэр нэгэн төрхийг харан хайрын талаарх бодол эргэнэ..

Уянхан хоолойг чинь санан..

Уянгын дууны эгшиг намайг гэгэлзүүлэн...

Урд уулыг харан урьдын бодлыг дурсана...

Алчуур нь дэрвэлзэх бүсгүйг хараад...

Санаандгүй нэгэн учралыг бодоод...

Ганц дууг л чамд зориулахаар шийднэ...

 

on Thursday, July 7, 2011 at 9:21pm

Миний ганцхан мэдэх нь л бороо

Найрагчийн бодол намайг уяраасан цаг бий...

Нарт хорвоод сайхан аялгуу бас намайг уяраасан мөчүүд бас бий...

Магадгүй гэдэг үгийг ашиглахад ирээдүйг зөгнөхөд хэлмээр ч 

Хааяахан нууцлаг зүйлийг хэлэхэд ашиглах юм...

Урьдийн адил гэнэтийн бороо цонхны цаанаас намайг норгоход...

Урьдын бороотой дурсамжийг бодно...

Хамгийн сүүлд чамайг бороонд харахад өөрийнхөө superman-тэйгээ 

Намайг хүлээгээл зогсож байсныг саналааа...

Чиний тэр зөөлөн харц цонх ширтээд урагшаа харж байсан...

Бас норох дургүй байдал..

Бороон дундах тэр үл ялиг инээмсэглэлүүд 

Өнөөдрийн бүүдгэр тэнгэрдэх ширүүн бороонд чамайг санахад хүргэлээ...

Нүдээ аниад чамайг бодохыг хүссэнгүй 

Харин нүдээ нээлттэйгээр чиний талаар төсөөллөхийг хичээж зогсоно..

Тэнгэрийн муухайн хэзээ нэгэн цагт арилдагийн адилаар 

Энэ бүх зүйл хожим сайхан зүйлээр төгсөнө гэдэг би итгэж байна...

Нарт хорвоод цэцэгс надад бас чамд харагдах гэж дэлгэрдэг шиг...

Гэхдээ би чамайг харах учиртай юм байлгүй...

Нарт хорвоод миний очиж үзээгүй, чиний хараа ч үгүй төсөөлөө ч үгүй газар зөндөө байдаг шиг...

Энэ хорвоод мэдэхгүй зүйл зөндөө гэхдээ энэ бүх санаандгүй зүйлээс санаандгүй бас бишээ байхаа

Эргэлзээгүй энэ өдрийг би маргааш бас үргэлжлэх мөнхийн эгшиг байгаасай гэж хүсэж байна...

Бидний барьж, тэмтэрч,мэдэрч үзээгүй тэр их сайхан мэдрэмжүүд чи бид 2-г хүлээгээд л байж байгаа гэдэгт би итгэж байнааа:....

Маргаашийн өдрийг мандах наран угтаг...

 

on Monday, July 4, 2011 at 9:40pm

Нэг л удаа харахсан

Бүрэнхий шөнө дөхөхөд яагаад ч юм бэ нэг зүйл намайг цонхны зүг хөтлөн авчирна...

Нэг л мэдэхэд би түүнийг аль хэдийн харчихсан зогсоно..

Чамайг би энд байдаг гэдийг сая л мэдлээ...

Дэндүү ойрхон байж тиймүү...

Бороон дундах чиний инээмсэглэл....

Салхинд наагих чиний үс бүүдгэр тэнгэр, шөнийн харанхуйн саарал дундаас....

Бараан үүлийг яран нүдийг минь гэрэлтүүлэн....

Бүгдэд өнгө нэмэх юм....

Нэг л мэдэхэд чи тэнд зогсоод...

Харин би цонхны цаанаас хараад нэг цаг өнгөрчихлөө....

Хэрвээ чи миний боддог тэр хүн бол...

Хэрвээ чи миний төсөөлдөг тэр хүн бол...

Хэрвээ чи миний зүүдэнд үргэлж ордог тэр бол.....

Хэрвээ чи хэнээс ч илүүтэйгээр намайг ойлгох тэр хүн бол...

Би юундаа хүлээн цонхны цаана зогсож байгаа юм бол..

Чамайг намайг ганцхан удаа харчих боловуу гэж .... 

Чамайг надаас холдон холдтол би байсаар л ..........

Тэгээд би шөнө дунд цонхоор харан зогсоно...

Чамайг нэг л удаа харахсан гэж нэг л удаа...

Ахиад чамтай таарвал тэр үгийг хэлнээ..

Ахиад чамтай таарвал чамайг би ширтээд л зогсоно...

Тэр үед чи миний нүдэнд гялалзах олон оддын адил нүдийг минь гэмтээчихвий дээ....

 

 

on Sunday, June 12, 2011 at 8:35pm

Буцаагаад өгөөч ......

Төгөлдөрийн хуурийн эгшиг нэг л мэдэхэд намайг эзэмдчих юм.. Санаандгүй явж байгаад нэгэн бүсгүйн төгөлдөр хуур тоглохыг хараад өөрийн мэдэлгүй тэр аяыг дуустал энэ орчлонгийн бүхий л зүйлсийг мартан цаг хугацаа гэдгийг нэг л мэдэхэд мартаад ганцхан түүний л зүг ширтэнэ....

Аяааа сайхан эгшигт нь болж татагдсан уу

Сүмбэн цагаан хуруунуудад нь болсн уу

Эсвэл өнөөх бүсгүйгээс болснуу л нэг л мэдэхэд миний биеэс нэгэн зүйлийг аваад явчихсан юм шиг сэтгэлд минь нэг зүйл хоосон оргичихлоо..........

Ганцхан чамд л зориулав...

Зураг шиг сайхан бүсгүйг хараад зураг зурмаар санагдчихлаа..

Шүлэг шиг сайхан бүсгүйг хараад шүлэг бичмээр санагдчихлаа..

Дуу шиг сайхан бүсгүйг хараад дуулмаар санагдчихлаа...

Дуулим энэхэн хорвоод ганцхан байдаг түүнийг очоод тэврээд үнсмээр санагдчихлаа гэж...