Шинэ жил эхлэж байна блог дээрээ оны эхний нийтлэлээ бичилгүй 10 гаруй хоночихож хэхэ..Эхний юм гэдэг тэрчигээрээ сайхан. Жилийг яаж эхлэнэ тэгж жил өнгөрдөг гэдэг байхаа...
Энэ жил эхний нийтлэлээ энэ жилийн эхэнд уулзсан гайхамшигтай хүнтэй уулзснаасаа эхлэе гэж бодож байна.
Өчигдөрхөн Далай ламын Шүтээн барилдлагын талаарх лекцийг сонсоод хэвтэж байлаа... Амьдралд бүх зүйл учир шалтгаантай гэж номлохыг нь сонсоод тийм шүү гэж бодож билээ.
Гэтэл өнөөдөр азтай өдөр шиг Энхбат найзынхаа ачаар монголын бизнест монгол залуу хөдөлмөрч хүн болгоны уулзаыг хүсдэг нэгэн эрхэм болох MCS группын ерөнхийлөгч ноён Ж. ОД-ын яриаг сонсох завшаан тохиолоо.
Гүүглээс хамгийн гайгүй олдсон зургийг нь тавилаа хэхэ..
Урьд нь энэ хүнтэй уулзахаас өмнө Оджаргалын ах, ер нь бол мундаг сайн дипломатч хүн гэж л бодож байлаа..
Гэтэл манай залуу бүр мундаг юм гээч Оксфордын анхны монгол оюутан, бөгөөд одоо барилгачинь дипломатч гэж дууддаг болж гэнэ хэхэ... Бас л сонирхолтой хүн юу хийнэ түүгээрээ л хүнд хоногших юм. Яриа маань халах хэрэгтэй гэж үзэн өөрөө ярилцлагыг гартаа аван шууд л өөрийнхөө тухай бага сага яриад л MSC-н алдарт бүтээн байгуулалтруу яриа маань чиглэв.
Энэ хүн маань МӨНГӨ гэдгийг ЭРХ ЧӨЛӨӨ гэж ойлгодог үнэхээр сонирхолтой хүн юм байналээ. Яагаад яагаад гэвэл тэр хүн мөнгө хуримтлуулж бус харин түүнийг хэрэгтэй зүйлст хөрөнгө оруулж, улсын маань хөгжилд үнэтэй хувь нэмэр оруулахуйц зүйлсийг бүтээн босгодог тийм л хүн юм.
Бусдыг баярлаж байхыг харж, бусдыг юугаар ч дутахгүй байхыг харж тэндээсээ сэтгэлийн аз жаргалыг хүртдэг юм байна. Тэр хүний ярианаас ер нь бүх зүйлийг л нийгмийн сайн сайхан төлөө зүтгэж байгааг олж авахад амархан мэт.
Хэдэн жилийн өмнө С. Ганбаатар ярилцлага өгөхдөө би гэртээ сарнай ургуулахыг хүсдэггүй, гэр дотор минь ургасан сарнай бусдын л адил цонхны цаадах амьдрал руу орж маш олон цэцэгстэй учирна тийм болохоор би цонхны цаадах тэр цэцэгсийг сайхан ургуулахын төлөө хогийн шарилжнуудыг авч хаяхын төлөө тэмцэнэ гэж хэлж байсан шиг.
MSC-групп маань бидний төлөө хийн түлш үйлдвэрлэх төсөлд оруулах 20 сая доллараараа энэ намаржин шуугисан УТААГҮЙ ЗУУХАНД хөрөнгө оруулан сайн сайхан утаагүй монголын төлөө хийж байгаа гэнэ.Үнэхээр ч сайхан 8300 ажилтаны эцэг болсон энэ хүн тэднийхээ эрүүл, аюулгүй орчинд амьдруулахын төлөө хотыг маань утаанаас нь салгахад туслана, ажиллагсаддаа "ШИНЭ ГЭР" хотхоныг байгуулж өгөн сайхан ирээдүйн зүг яваа хүн юм.
Залуу хүмүүсийн адилаар хадмындаа анх амьдарч байгаад 1-р хороололд 00-н өрөө буюу одоогийнхоор орон сууцнуудад байдагдаа 01 гэдэг 1 давхарт тогны шийтний өрөөг хүн амьдарч болохоор янзалсан жижигхэн өрөөнд эхнэр, хүүхэдтэйгээ хуримын 2 хос ор, нэг систем хөгжимтэй айл болж анх нүүж орж байсныг нь сонсоод үнэхээр сэтгэл хөдлөв.
Тэр хүнийг тэрбумтан гэх боловч байгаа байдал нь үнэхээр энгийн бараг төрийн нэг жижигхэн өрөөнд суух байцаагчаас ч илүү энгийн бас найрсаг хүн байх юм..
Монголын түүхэнд бичигдэж буй гайхамшигтай компаныг цогцлоон байгуулж буй энэхүү эрхэмийг хараад сонсоод ямар ч байсан миний бие баян болох гэсэн амбиц маань хөдөлсөнгүй харин make money буюу мөнгийг бүтээх гайхамшигтай ухаанд хэрэг болох хэд хэдэн зүйлийг олж авлаа.
Бид ямарваа нэгэн зүйлийг хийхдээ үүнээс өөр гарц байхгүй мэтээр хэрэглэгчид бүхий л дарамтыг нуруун дээр нь тохдог харин түүний оронд хэрэглэгчийг аливаа зүйлийг хэрэглэхэд нь хэрэгцээтэй байх тийм л шийдлийг гаргаж өгөх хэрэгтэй..
Энд бас нэг хэлэх дуртай үгээ хэлмээр санагдчихлаа.. Африк үг
Ойр явья гэвэл ганцаараа яв.
Хол явья гэвэл хоёулаа яв гэж...
MSC компаний амжилтын нууцийг хэлэхдээ бид олуулаа гэж хэлсэн нь үнэхээр таалагдлаа.. Хэрвээ чи томорьё, илүү хол явья гэж бодож байвал санаа сэтгэл нийлсэн хүмүүсээ олж аваад л явах хэрэгтэй.. Ярилцана гэдэг сайн гэхдээ олон талаас нь өөр өөр байр суурьнаас мэдлэг чадвартай хүмүүс ярилцсаны үндсэн дээр зөв шийдэл гардаг гэж хэлсэн нь үнэхээр бид найзуудаараа ярилцдаг маань зөв юмаа гэх бодол төрсөн билээ.Хүн зөв бодол тээж явбал хэзээ ч алдахгүй, хэзээ ч доройтохгүй хэмээн гүн итгэсэн энэ хүний амьдралд баримталдаг зарчим нь хүнийг муулах бус урдахаа л сайн хийхийг хичээдэг. Амьдралд сөрөг бус эерэг бодлуудыг өөртөө цуглуулахыг эрмэлздэг гайхамшигтай ч гэлтэй..
Хамгийн таалагдсан нь олны өмнө дуугарах дургүй гэх авч үнэхээр хөгжилтэй хүн.
Дүүгийнхээ талаар хэлэхдээ ганц л зүйл хэлсэн нь Оджаргал маань намайг бодвол илүү ТЭВЧЭЭРТЭЙ гэж тодорхойлсон.
Миний үзэх дуртай хүүхэлдэйн кинон дээр Tangled гээд байдагдаа тэрэн дээр..
Сайн зүйл хэн илүү тэвчээртэй байсанд нь ирдэг юм гэж хэлдэгтэй үнэхээр ч нийлж байгаа мэт..
Од гуай би монгол залуу хүнд итгэдэг та нар маань монголыг илүү сайхан болгон та нарын ирээдүй үнэхээр гэгээлэгээр би хардаг гэж байнга хэлж байналээ. Үнэн үг шүү биднээс өмнөх буюу одоо байгаа бидний ахмад үеийнхэн дөнгөж л суурь буюу хөрсийг нь л суулгаж байна харин бид илүү түүнийг хөгжүүлэх хийх зүйл их байна, Жишээ гэрээсээ гараад л алхаад үз хэрвээ овгор товгор замаар явж, шороо босч байвал би түүнийг маш сайхан зам болгох хэрэгтэй. Бид л хийхгүй юм бол бидний хийхээс долоон дор зүйлийг өөр хүмүүс хийчихнэ шүүдэээ.
Хүн бүр өөр өөрийн чаддаг зүйлээ хийгээд л хамтрах нэгэнтэйгээ хамтраад л амьдраад байх хэрэгтэй шүүдээ. Хүн нийгэм дунд хүмүүс дунд амьдарч л байгаа бол хүнтэй зөв л харьцаж амьдрах хэрэгтэй ...
Боловсролтой хүн гэдгийг тодорхойлохдоо тэрбээр хажуудаа байгаа хүнийгээ эвгүй байдалд оруулахгүй л байгаа бол тэр хүн боловсролтой гэж тодорхойлсон нь үнэхээр таалагдсан...Бавуугийн Лхагвасүрэнгийн хэлдгээр ХҮН ТОДОТГОЛ байх ёстой гэж гайхамшигтай хэлсэн шиг хүн амьд байгаа л бол хэрэгтэй л байх ёстой гэж хэлмээр санагдлаа...
Гайхамшигтай ярилцлагыг тараад гэрлүүгээ алхаж байхдаа хотын маань утаа байгаа боловч хоолой хорсгодог байдал нь багасчихсан ч юм шиг сайхан мэдрэмж төрөөд CENTRAL TOWER дээрх ОД ны логоог харчаад л өнөөдөрийн энэ хүнээс сонссон зүйл ирээдүйн том байшингийн маань сууринд нь хэрэгтэй зүйл ч юм билүү хэмээн бодон гэрлүүгээ алхлаа... Аан тийн мэдээжийн хэрэг ингэж алхахдаа ирээдүйн эхнэрийнхээ талаар нэг бодоод Далай ламынхаа хэлсэн
ШИНЭ ХҮМҮҮС ИРЖ ЯВНА гэсэн гайхамшигтай үгийг дотроо хэлээд инээмсэглэл цацруулан гэртээ ирэн ээжийнхээ инээмсэглэлийг харсан билээ.. Амьдрал гайхамшигтай шүү... Хүн энэ хорвоод аз жаргалтай амьдрах ёстой.
No comments:
Post a Comment